林盛斌Bob為被投訴順豐送貨員抱不平 「佢俾人炒我即刻安排一份工畀佢」

昨日有網民於「小西灣富景花園居民聯絡組」Facebook專頁出Post，指在富景花園第9座地下行人通道見到一名順豐送貨員坐在行人通道旁邊的階梯，以手推車用作飯枱並除下口罩用膳，該網民更批評送貨員「影響環境衛生」、「在這疫情下罔顧他人」，又表示已向物業管理公司及保安公司投訴。

同場加映：《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

疫下悲歌 ︳順豐速遞員垃圾桶旁食飯盒遭居民投訴 網民批：有頭髮邊個想做癩痢【下一頁】

此Post一出，在網上引起很大迴響，而林盛斌（Bob）亦有在IG為該送貨員抱不平，形容該名公審的網民「好冇同理心，好唔善良」；又指該送貨員真的被「炒魷魚」，會即刻安排一份工畀對方。

{{hket:inline-image name="876.jpeg"}}{{/hket:inline-image}}

Bob轉發該帖文，撰長文表示自己好尊重每一位做速遞嘅工作人員：「呢段日子，對速遞行業嘅影響非常之大，因為人手不足好多時一個人要做三個人嘅嘢，一日幾萬單確診嘅時候，佢哋仍然辛苦工作，其實我真係好尊重每一位做速遞嘅工作人員。」

他續指：「你估如果佢有得舒舒服服坐喺餐廳入面食嘢，佢會唔會選擇坐喺個垃圾桶旁邊食呢個飯盒？人哋已經匿喺一個盡量唔影響其他人嘅地方，諗住嗱嗱聲扒埋嗰兩啖飯就繼續送貨送件，然後你影咗佢張相放上網諗住公審再去投訴。」

他指不可以說該名公審的網民「唔啱」，「你係有你嘅道理嘅，只不過成件事，好冇同理心，好唔善良。」Bob指如果最後送貨員要受紀律處分甚或至要被炒魷魚，「麻煩認識呢位速遞哥哥嘅朋友叫佢聯絡我，我即刻安排一份工俾（畀）佢。」而順豐發言人今日（16日）回覆，指公司已慰問該員工，亦不會作任何處分，又指於疫情下盼望社會更需體諒和理解。

不少藝人朋友都留言力撐Bob的言論，孫慧雪留言：「講得啱，佢已經匿埋食飯，仲想佢點！」吳若希說：「啱呀，人係要食飯嘅！呢啲咁嘅環境，大家互相包容吓啦！」袁偉豪就指：「冇錯！一張相好難去定誰對誰錯，但有時候如果大家可以將心比己，停一停諗一諗，呢個世界就會少咗好呢一啲事情發生，會和諧很多」而「細龍生」鄭世豪說：「講得好啱，將心比心吧！」

Bob今日回覆本報：「其實我係喺網上面睇到呢一件事件，突然之間覺得好有感受，因為我覺得真係好基本嘅同情心同埋同理心，原來有啲人真係無嘅，而家香港已經好多嘢令到大家好唔開心，點解連少少嘅包容都做唔到呢。」

他又認為，其實好多人仍在默默地努力令到社會繼續可以運作，並稱：「我哋可以做到嘅，係應該欣賞同埋尊重，而唔係抱怨同投訴，如果大家都可以做多少少，做好少少，咁個社會就會開心好多㗎啦！」阿Bob稱睇新聞得知速遞哥哥所屬公司非常包容及體諒，又直言：「我亦都知道唔會影響到呢位速遞哥哥嘅工作，無任何紀律處分，咁就放心喇，我都覺得好感恩。(你影響力大？)唔係嘅，其實香港好多人都係好有同情心。 (網絡紅人King Jer都轉載？)多謝佢畀面。」

同心抗疫︳Bob林盛斌孖自家網店捐30萬元物資 劉德華古天樂鄭秀文捐快速測試包【下一頁】